 |
|
|
|
رقم المشاركة : [1]
11-09-2009, 06:12 AM
|
||||||||||
|
||||||||||
دنيا تقلب كنها ريش طاووس--
السلام عليكم ورحمة الله وبركاته
القلب يا ابني فهـد بـه دار هاجـوس روابـع ٍ بيـن الرجـا لـه ويـاسـه في بني ساس ٍ عاد له دثر ورسـوس متهـدم ٍ ساسـه ومـن مـر داسـه من مختلف وقت ٍ به العـدل منكـوس تشـارك الطاهـر وراعـي النجاسـه والشرك به مكشوف والدين مدسـوس حتـى ولـو بيـن سريـع ٍ اخلاسـه وفي الناس ناس ٍ عضوا الدين بضروس وناس ٍ عاونـت علـى هـدم ساسـه هذا الـذي يذكـر بالالـواح مـدروس شفناه شـوف العيـن قبـل الدراسـه وعادوا لنا الماضيـن حييـن بعكـوس واكبر غلطنـا نعتجـب فـي العكاسـه دنيـاً تقلـب كنهـا ريـش طـاووس تمسي وتصبـح بيـن كـره ٍ واناسـه وحنا نعرف ان ضـد الاقبـال بتعـوس واطيب لنا يـا ابنـي فهـد الجلاسـه قـم قـام حظـك دك للنـار دهلـوس حيث ان شبوب النار يبري الحساسـه واجعل عليها من حطب رمث غامـوس .ماهو بدغـث اللـي وقيـده قباسـه واصنع لنـا فنجـال ماهـو بمكبـوس ريحه يفـك الصـوع عنـد احتماسـه لا اجتال في محماسه البـن محمـوس وارتـد مـن عقـب الغتـار بدهاسـه كبـه بضبـاح ٍ لاطــق مـرفـوس .يقنـب قنيـب الذيـب ولاا الجراسـه واحشه بصفرا كن بها التبر مطلـوس تصفاتهـا كالـورس حـل اختراسـه ماها وطبختهـا مـع الهيـل مقيـوس وانت البصير بهـا وراعـي البهاسـه بـدلال مافيهـن مكنسـل ومشمـوس رسـلان مثـل موقعـات القبـاسـه منهن منزل ٍ وسطها الكيف مخمـوس لا ذاقه المستصـاع تبـري عماسـه تهيل لمـن يـردون لاثـار عكبـوس لا اختلـط عـج الرمـك واقتبـاسـه خطلان الايدي موريـة كـل ناسـوس وسيـوف هنـد يقسمـن التـراسـه ربعي قصاصيـب الفنـا كـل دابـوس في الضيق لاعيق الطمـع والتماسـه قـوم ٍ تكافـح كـل كسـاب نامـوس وكل ٍ بحوض المـدح يشـرب بكاسـه والمدح لـه نـي وفقـار ٍ ونسنـوس وحزنا سهمنا الجزل ماهـو دساسـه الاولـه مانمغـث الجـار بحـسـوس والثانيـه فينـا الكـرم والحمـاسـه واللي تبقى منـه بيـن العـرب روس كـل ٍ يحـوز مـن المراجـل قياسـه قلته وانا من نازليـن الخطـر جـوس بيـوت ٍ تبنـى فيـه قبـل العساسـه اهـل النبـا الطيـب مـن دقيانـوس واهـل السمـوت الطيبـه والفراسـه هواجـر ٍ يـدري بنـا كـل منحـوس لاضـده اقـوى منـه ضـد ونحاسـه ونتبع هوى القطعان والضـد مكلـوس وما زان من قفـر ٍ رعينـا مساسـه وحنا لها بالخـوف جيـران وحـروس جوس ٍ ولا نبغي منـه احـد ٍ حراسـه وننزل لا من قالـوا الحبـل ممسـوس في قافر ٍ مـاداس بـه كـون حاسـه وحنا لمن فـي هامتـه زوم فاعـوس نخلـف هقاويـه ونكمـل عطـاسـه ولا ثار عكنان ٍ تقابـس بـه الطـوس وكل ٍ لبـس للضـرب درع ٍ وطاسـه الله كسانـا رايـة الـعـز ملـبـوس سبحـان مـن فصـل علينـا لباسـه نمسح بالانفس يوم دايـس ومديـوس لا صـار ميـدان ٍ وسيـع ٍ مـداسـه وتنحي بنا الزلبات في الضيق كـردوس مثل الوحوش اللـي هـوت بنتكاسـه ونخوض بالميدان لـو فـات بنفـوس لو صافي الخمسين خمـس الخماسـه لعيون مـن عـدل شفايـاه بلعـوس غـر ٍ خذالـه مـدة ٍ فـي عنـاسـه وان رمانـا ضـد ٍ غترنـا بجاسـوس عـود بغبنـه بالفـشـل والتعـاسـه وناتيـه لـو دونـه جبـال وطعـوس معطـان لـو بالليـل حـزة نعاسـه وفينا لمن يصفى لنـا ليـن ملمـوس والجفس مالـه عندنـا الاا الجفاسـه قاسين ماطعنـا لحكـم ابـو كبـوس ومنـا البحـر والبـر ثـار اعتفاسـه فيما مضى واليوم روس ٍ تحت مـوس وتشابـه الراعـي وراعـي الرياسـه والحكم للـي يرفـد النـاس بفلـوس واخلـف مـروات الـدول بالسياسـه عبد العزيز اللي تهاضع لـه الـروس مرهق اسود الغاب الـي اشتـد باسـه اللي جعلنـا بيـن مطلـق ومحبـوس كـل ٍ بكفـه يلتمـس ويـن راســه وامـن مياديـن وبلاديـن وغـروس ونـزح محسنـة اللحـى بالمـواسـه وخلى الفهد والظبي والذيـب والعـوس متوالفيـن ولـف بغـض وغـلاسـه وتمت وصلـوا عـد ماهبـت الكـوس وعـد مخضـر ٍ دنـا بـه يبـاسـه على شفيـع الخلـق لامـدوا القـوس في موعـد الخلـق المبعـوث ناسـه 
|
 |
| أدوات الموضوع | |
| انواع عرض الموضوع | |
|
|
 |
 |
العرض العادي
