مشكور اخوي عبدالله على الموضوع المميز
الشاعر مهدي مويس الراشد
ياماحلى الطايف وهب النسانيس
في جوها اللي مالقينامثيله
جون كماجون ابلندن وباريس
من طبها ينسا الهموم الثقيله
وتنزاح من قلبه كثير الهواجيس
ويرتاح من بعض الأمور المهيله
مع شلتن فالدرب دايم موانيس
الكل منهم مايخيب خليله
مفرح المدهم ومانع ضواريس
ربعن كما غيثن تساقط هميله
وراشد محمد منزله مايبي قيس
ثلاثتن يسوون عندي قبيله
ويالله يامنشي هبوب النسانيس
تسترعليناأمن الزمان وحصيله
وتردنا يامقيس الكون تقييس
يم الدياراللي غلاهانشيله
اللي سكنها راع العيون النواعيس
اللي من أسبابه حياتي عليله
أقفاوخلاني مع الغيرعريس
وخلا الحنايا في غيابه نحيله
وخلا خفوقي بين هم وساويس
وأبعد ولالي في مرده وسيله
هاك العشير اللي أظلوعي غواطيس
في بحر حبه والنوايا أصيله
حبه أبقلبي كثر رمل الطعاميس
وفرقاه عندي يالخوي مستحيله
وحبه لعبي لعبت العج بالكيس
واركى على قلبي أبنار الفتيله
واليوم حالي مثل حال المفاليس
عقب الذي خلا أدموع هميله.
............................................
يالشيط ابطى صاحبي عنك وشفيه .
وشفيه طول في مغيبه علينا.
هاك الغزال اللي من الناس نغليه.
اللي غرامه من طويل السنينا.
له مدتن غايب وانا في حراويه.
والله يعين اللي فقد له ظنينا.
في غيبته ما غير اهوجس ابطاريه.
وارجي من الله كل يومن يجينا.
من شان يطفي واهجن منه مخفيه.
واهج غيابن فالخفى مكتوينا.
لا شك ماجاء والمشاعر تناديه .
وترجي وصاله فالزمان اللعينا.
وتنطر مراسيله عسى الروح تفديه.
ويفداه قلبن منه جر الونينا.
قلبن صويب ولا لقى من يداويه.
ودواه قرب اللي مقامه ثمينا.
اللي مغيبه طال والحال كاويه.
عقبه لهيب القيظ والله يعينا.
واخر كلامي من خفوقن امصافيه .
ومنصح ابحبه من طويل السنينا.
جعله يعود ويهتني قلب غاليه.
وينور به الشيط ويرجع علينا .
.....................................
ياكثر شين كاتمه داخل الجوف .
محدن درابه غير رب السماوات .
شين مضاريبه مثل ضربة اسيوف .
منه الخفوق ايحن ويجر ونا .
ماهو حزن وهموم وآ لام وظروف .
وماهو توجد فالبنات العفيفات .
وماهي صدوف الوقت أو رعشة الخوف .
أو الجروح اللي ابقلبي عطيبات .
لاشك هم الشوف ياخالق الشوف .
اللي تردابي وذقت المضرات .
من يوم فارقني ترى الحال متلوف .
والقلب فيه الحزن يبني عمارات .
حزنن قديم وزاده الوقت صادوف .
من فوق شين كاتمه دوم بسكات .
اضحك واناهمي يلوف الحشى لوف .
وجامل الجلاس في كل الاوقات .
ومن شاف حالي قال مبسوط مكيوف .
مايدري إن الحال مليان صدمات .
وإن الفرح عن خافقي صار مخطوف.
وإني صويبن وعايشن في متاهات .
وإني كتمت الجرح والحال مكلوف.
حالن سقيم وزاده الوقت حسرات .
وإني سهير الليل وهمومي اصفوف .
ومن زود همي تالي الليل مابات .
ومن وين ماوجه على دربي اوقوف .
اباالسلامه مير مامن سلامات .
واللي سواتي من عنى الوقت ملهوف .
يصبر ويكتم داخل العين عبرات .
ويالله انا طالبك في حالي اتروف .
وتجبر صوابي ياعليم الخفيات .
وترد شوفي قبل ماعمري يطوف .
حيثك ترد الميت حين ليامات .
وشوف ربعن لي ميات وولوف .
وأمي وابوي وبعدها إخوان واخوات .
وتستر على قلبي من الهم والخوف .
وتجعل حياتي كلها في مسرات .
واختامها صلو عدد ناسن اتطوف .
واعداد ماهلت من الغيم قطرات
واعداد ماتنشر مجلات وصحوف .
على نبين ثبت الحق بثبات. |
الإهداءات
03-21-2009, 12:52 PM
العرض العادي
